لعبة السجن الأدبي ...

وهم في طريق العوده شاف الشرطه تقبض على ADMIN
ترافيان:الحمدلله الذي ظهر الحق
أبو مهند:وش السالفه
ترافيان:لا لا لا مافي شئ
أبومهند مره شفت واحد اسمه ابو ابراهيم(ترافيان سوى مايعرفه)
ترافيان:اسلم
أبو مهند:أقولك راح وسرق من تموينات رغد مبلغ تقريبا 1500ريال علشان يستأجر سياره فخمه
ترافيانايه وين رجل أعمال وسياره فخمه والله من الخراط) يقولها في نفسه
أبو مهند: ما أدري أبلغ عليه ولا لا
ترافيان: لا يا....هذا منكر لازم تبلغ على الحراهي
أبومهند:أجل أدق على الشرطه من الان
الشرطه:نعم
أبو مهنديقوله السالفه)
الشرطه: أخذ معلومات عن ابومهند
الشرطه: مشكور على حرصك وإن شاء الله نقبض عليه

admin وهو بسياره الشرطه
:انت متأكد الحين اني انا المجرم
المفتش :اقول اسكت شوي اوجعتوا راسي انتم وقضيتكم
:طيب اسمع الحين فكني وابشر بالدراهم
المفتش : بلا دراهم بلا خرابيط اقول اسكت
: ابشر
وهم يمشون بنص الطريق الا واحد يحدهمويوقف المفتش وينزل
وينزل ذاك الرجال اللي كله اسود بأسود ومعه رشاش ويرش المفتش من فوق لتحت
وينزل admin
admin تكفى والله ما سويت لك شيء
والله لآعترف لك بكل شيء
يرحم امك لا تذبحن
ويفك القناع اللي بوجه
admin :الوجه ذا موب غريب علي
.......: ما عرفتن للحين
admin :والله احس اني شايفك بس ما ادري وين
.......: حاول تتذكر

يتبــــــــــــــــــــــــ( )ــــــــــــع

.....:هاه ما عرفتن
admin :حيا الله الشيخ ابو مهند
ابو مهند : الله يحييك توك تتذكرن
admin :معليش والله لعبي المفتش بس هاااه بشر طلع من البيت
ابو مهند :ايه طلع من البيت ووديت للبيت حقك اللي تبيعه بمليون وميتين
admin :كفو كفو والله انك ذيبان طيب بشر ركبت الكاميرا بالبيت
ابو مهند: ايه ركبت كلش ما عليك بس اهم شيء عطن فلوسي
admin :اصبر خل نظف جثه هالمفتش لا ننكب به
ابو مهند:يالله بسرعه قبل ما يشوفنا احد
وشالوا الجثه وودوه واحرقوه ورموه بالبحر بعد ما صلو عليه
قال ابو مهند: وراك احرقته ورميته بالبحر
admin :اذا سويت عمل سيء فأمحوا اثارك بالعمل الخير
ابو مهند :ايه كويس والله بس اقول وين فلوسي
admin :ايه فلوسك امسك 10000 ريال ينطح ريال

ومرت الأيام بعد سته شهور دق جرس البيت
طلع ولدي حديد...
حديد:هلا تفضل...
....:وين الوالد
حديد:وأنا دولاب قدامك وش تبي بأبوي
...:أقول طلع أبوك لوالله أدفنك في مكانك
حديد:هاااا خلاص أبشر
ودخل البيت...
بابا في واحد برى يبغاك
ترافيان:منه
حديد:ماأعرفه أول مره أشوفه
ترافيان:بسم الله خلنا نشوفه
طلع ترافيان....
ترافيان:هلا والله تفضل
....:بسم الله((دخل البيت))
في المجلس..

يتببع.....

ترافيان:ما تعرفنا على الأخ؟
...:...أبوعمر صاحب البيت
ترافيان:ونعم تقولي صاحب البيت أي بيت
أبو عمر:البيت هذا
ترافيان: لكن هذا البيت شريته ولا قصدك قبل
أبوعمر:لا ألحين هذا بيتي
ترافيان:استح على وجهك أنت جالس في بيتي شاريه بمليون وميتين وعند الصك..
أبوعمر:أقول تلفظ معي زين لوالله أطردك رح جب الصك حقك وأنا الصك لهذ البيت معي في السياره
ترافيان:أقول قم قم حسبي الله عليك وعلى الي دخلك البيت
أبوعمر:ياخي عيب عليك
ترافيان:قم لوالله أشوتك
أبوعمر:طيب والله لأرفع عليك قضيه
ترافيان:قضيه(بوكس) على بطن أبو عمر
أبو عمر:اي بطني والله لعلمك ياجزر(ترافيان نحيف)
ترافيان:برىىىىىىىىىىىىىىىىىى
ترافيان قفلت معه عصب على قريه وبغى يطلقهالكن يوم شاف أنه معصب قام وتوضأ وصلى ركعتين وسبحان الله ركدت أعصابه
وبع يوم...

دق جرس البيت طلع ترافيان....
ترافيان:نعم
....:معك رامي من محكمة الأندلس في واحد اسمه أبو عمر رافع عليك قضيه والقاضي بمشيئه الله سوف يضع الجلسه غدا ولا بد من إحضار المستندات المهمه معك فاهم يا أخي المبارك
ترافيان:لا حول ولا قوة إلا بالله وشي المشكله ذي بعد طيب يصير خير يا أخ رامي
دق ترافيان على المحامي حقه(أبوجوري)
ابو جوري :هلا والله
ترافيان:هلا
ابوجوري:وش أخبار أبو أفنان من زمان ماشفته
ترافيان:إن شاء الله طيب أدق عليه ما يرد وإلا والله مشتاقلك انت وياه
ابوجوري:والله اني مشتاقله
ترافيان:طيب يصير خير عندي مشكله يا قلبي
أبوجوري:وش فيه بعد
ترافيان:يقوله السالفه
أبوجوري:لاحول ولا قوة إلا بالله وش المصيبه ذي وأنا أخوك
ترافيان:ايه(أخذ نفس عميق)من الهم
ابوجوري:لاتشيل هم لكن ترى زوجتي وبنتي جوري بجون عندكم
ترافيان:حياهم الله

أبو جوري:مع السلامه
في المحكمه....
القاضي:..............................
ترافيان:يا قاضي أنا شريت البيت من عند واحد اسمه)))ابو مهند((((بقيمه مليون وميتين وعطاني الصك وهذا هو الصك...
ابوعمر: ياقاضي أنا سافرت لمدة سنتين وجيت ولقيت البيت مسكون وهذا الصك حقي
القاضي: بعد تأمل طويل ونفس عميق وأسأله أهل الخبره في التزوير قال:صكك يا ترافيان مزور
ترافيان:كيف مزور وانا دافع مليون وميتين وين راحت أرجوك يا قاضي تأكد
القاضيكان حليم)ما عليك إن شاء الله نقبض على ابو مهند
ترافيان : الله يجزاك خير
اليوم الثاني...تم القبض على أبو مهند
القاضي شد على أبو مهند لين أعترف وقال السببadmin
وتم القبض على admin

وانا داعس ميه وميتين بسيارتي اللامبرغيني الا والشرطه وراي يقول وقف وقف ياللي منب قايل ياحرامي قلتله انا حرامي طيب تشوف واعطيه زعقتن يسمعه اللي باخر الحاره ........ وهو وراي ودعست وضيعته بالحواري ........

.
.
.
.
.

يتبع

يوم ضيعته تذكرت ان ابو مهند الخاين هو الي علم علي قلت قبل ماتهور واروح لابو مهند خل أروح لم الادمن واطلعه من السجن .....ورحت للسجن وفجرت جدار السجن بالبازوكا .......يوم انفجر الجدار الا وطلعلي جيش كامل واجيك انا واطلع الرشاش وارشهم واحد واحد لان ابدتهم .........ورحت وكسرت باب سجن الادمن واخذته معي بالسياره ووديته لبيتهم ......يوم مشيت تذكرت ان الشرطه تلاحقني قلت خل اموهم وغبيت سيارتي اللامبرغيني بالبيت ورحت مع تكسي للمعارض وشريت ثلاث سيارات ......

1- كامري لونها ابيض .. قير عادي .....السعر: 4000,000
1
2- جيب باثفندر لونها فضي .. قير عادي .... السعر: 7000,000

3- كورلا لونها أبيض اقدم موديل .. قير عادي ..... السعر: 3000,000



المهم وقلت خل نجرب الكامري .....ورحت ظللت السياره بالكامل...>>>>عازل حراري بعد ....

قلت يارجال خل نجرب زعقته الا وزعقت ماشاءالله تقول طياره .........

وقلت خل اروح لابومهند .....ورحتله ودخلت عليه وحطيت الرشاش براسه وقلت انا اجل سارق من البقاله ياللي منب قايل .....عاد هو بدا يرتجف ويقول ....

ابومهند : لالا وش دعوه ترا اللي قالك يكذب عليك

ابوابراهيم : أقول ولا كلمه لا افرغ الرشاش براسك تسمع .....

ابومهند: ابشر ابشر ماراح اتكلم ولا كلمه .

أبوابراهيم : انت صدق انك مبلغ علي عند الشرطه.

أبومهند : لا

أبوابراهيم: اقول لاتقعد تنصب الحين تمشي معلي للقسم وتقول ان ابوابراهيم ماسرق شي وانا كنت مشبه عليه

ابومهند : ابشر بس الله يخليك وخر الرشاش عن راسي .

ابوابراهيم : يالله امش ......يوم رحنا للقسم ....خليت ابومهند ينزل لحاله ويقولهم السالفه .....يوم رجع الحمدلله تنازل ورجعته لبيته .........

.
.
.
.
.


(( جنت على نفسها براقش ))

عاد قلت خل افكر شوي دامي شريت مثل سيارت ابومهند الكورلا ..... خل اروح افحط بالشارع الاسود واصدم الناس عشان اذا شافوني المرور يحسبوني ابومهند .........

اول ماشغلت السياره مشيت وأول ماوقفت عند الاشاره قطعتها وزعقت باقوى ماعندي وقعدت اعقد شوي واخمس ....الا وادعس وادخل بوسط الشارع الاسود واجيب عكسيه .....ويوم ناظرة بالمرياه الا والمرور وراي قلت بنفسي وينكم من زمان ..وهم وراي قالوا وقف على جمب قلت طيب خل العب عليهم .... يوم وقفت نزل هو يوم جاء عند باب سيارتي دعست باقوى ماعندي ورحت وغيرت السياره واخذت الجيب الباثفندر .......اوووووه عاد هذي دبل الحين اوريكم التفحيط الصح ....قلت قبل ماروح افحط خل اناظر ابومهند امسكوه الشرطه ولالا ....الا يوم رحت والقاهم يجرونه مع الباب قلت الحمدلله مابغوا .....واخذوا هالمجرم ابومهند وزجوه في السجن المنعزل ......... قلت ياولد اورط ابوافنا وأروح افحط بسيارتي اللي مثل سيارته ولالا ....قلت لالا ماودي يحطون ابوافنان بالسجن المنعزل ماله داعي ............... ورحت لم بيت ترافيان وقربت لم سيارته ولقيتها مفتوحه وفتحت درج السياره وحطيت حشيش ومخدرات >>>>>> اتق الله ياترافيان تتعاطى حشيش ومخدرات ماهقيتها منك ............

ورحت وركبت سيارتي وبلغة عليه عند الشرطه .....

أبوابراهيم : السلام عليكم الشرطه.

الضابط: ايه نعم الضابط معك تفضل .

أبوابراهيم ك انا فاعل خير واتصلت عليكم لاني خفت على المجتمع الاسلامي من مهرب يوزع الحشيش والمخدرات على شباب الامه .

الضابط : انت متاكد من هالكلام .

ابوابراهيم : ايه متاكد لواني ماتأكدت كان ماتصلت عليكم .

الضابط : لو سمحت عطني وصف بيتهم .

ابوابراهيم : طيب ...... وعطيته الوصف .

الضابط: مشكوووور أخوي ابوابراهيم وماقصرت والله يكثر من امثالك .

ابوابراهيم: وش دعوه هذا واجبنا اتجاه امتنا الغاليه .

الضابط : مع السلامه

ابوابرهيم: مع السلامه .........

وبعد ماقفلت الجوال رحت على طول لبيت ترافيان ولقيتهم يجرونه من بيته زي المجرم القاتل المهرب ......ولقيت زوجته تصرخ من ورا الباب وتقول رجعوا زوجي رجعوا زوجي ياللي ماتخافون الله .... ولقيت ولده حديد مدري فولاذ يناظر الشرطه وهم قاعدين ياخذون ابوه و قاعد يصيح <<<<<واسفاه ياترافيان طيحت راس ولد بالتراب ......

وبعد هذا اخذوا المجرم ترافيان ووضعوه في السجن .........

.
.
.
.
.

(( الصديق وقت الضيق ))

ترافيان في سياره الدوريه
ترافيان:وش السالفه
الجندي:أقطع وخس
ترافيان:أقطع وخس أبشر لكن من جد وش القصه؟
الجندي:صرت مهرب ومجرم ياحضري
ترافيان:مهرب مافهمت يا بدوي
الجندي:وش فيهم البدو
ترافيان:ها لا لا مافيهم شئ البدو هم الي .... والي... يا ولد خالي
الجندي:ولد خالك كيف؟
ترافيان:أنا ولد خالك يا شنب خوالي بدو والنعم فيهم
الجندي:والنعم والله بولد خالي
ترافيان:والله لو درو عنك الجماعه لوالله قتلوك لأنك مودي ولد خالك السجن أفا والله
الجندي: هذه الأنظمه(أول مره يطبق الأنظمه)
ترافيان:طيب في فكره رح خذ البصمات من الدرج أنا والله ما أعرف أهرب شئ وأقعد أصيح
الجندي: والله أنها فكره أول مره أشوف بدوي يفكر زين
ترافيان:لا والله البدو هم راعين الأختراعات(في نفسه يقول والله من الخراط)
وبعد مرور يوم كامل من التحقيق وأخذ البصمات من الدرج ومقارنه ببصماتي خرجت برااااااااااااءه
وتقديم الأعتذار لي

لكن ابوابراهيم طلع اذكى منك ومنى الشرطه............. لانه يوم حط الحشيش والمخدرات بدرج السياره كان لابس قفازات .........وبذلك سوف يتم اعادة التحقيق مع المجرم ترافيان مهرب الحشيش والمخدرات ..................................

.
.
.
.
.
.
.

(( بغيته لي عون صارلي فرعون ))

المحقق:من أنت؟
ترافيان:أنا الذي سمتني أمي حيدرا كليث غابه كريه المنظرا أكيلكم بالسيف كيل السندرا
المحقق:أقول أنت بالتحقيق خفه الدم مافيه
ترافيان:أبشر
بعد تحقيق طويل دام ساعتين
المحاوله الأخيره:تبي تعترف ولا بالكهرب
ترافيان:والي خلقك وخلقني أني ما أعرف شئ عنها(طبعا يقولها وعينه تدمع)
وهم في التحقيق دخل واحد على المحقق وكلمه في أذنه قال أن مع الحمض النووي الاثار مهب اثار ترافيان الاثار اثر أبو ابراهيم المحقق لا الحمدالله
المحقق قال لترافيان السالفه
ترافيان:الحمد لله الذي أظهر الحق وابو ابراهيم(بكل أدب وأخلاق رغم المصايب)الله يعفو عنه ويهديه
المحقق:مهب على كيفك فيه حق عام
المحقق:أخ ترافيان مع السلامه

أبوابرهيم: انت وش تبي بالضبط

المحقق : ابيك تعترف يامجرم

أبوابراهيم : ((أحفظ لسانك أيها الإنسان لا يلدغنك انه ثعبان كم في المقابر قتيل لسانه كانت تهاب لقائه الأقران )) أحفظ لسانك لو سمحت ولاتغلط

المحقق: اقول لا يكثر .........


وبعد تحقيق دام لمدة خمس ساعات طلعة براءه لاني طلعة ذكي يوم حطيت الحشيش والمخدرات بسيارة ترافيان كنت لابس قفازات مضادة للحمض النووي ........وسوف يتم اعادة التحقيق مع المهرب ترافيان ....................

ترافيان ماشي في شاليهات الثمامه هو وأهله وأهل أبو جوري وأهل أبو أفنان
ترافيان:يالله من زمان ماطلعت أهلي لهذه الشاليهات
أبوجوري:ولله أنا مثلك
أبو أفنان:والله أنامثلكم
ترافيان:أقول لا يكثر أنت وياه أي شئ أقوله تقولون حنا مثلك الله يهديكم
وهم ماشين في الشاليهات قابلوا أبو ابراهيم
ترافيان أبو جوري أبو أفنان مع بعض هلاوااااالله بأبوابراهيم
أبو ابراهيم:هلا والله فيكم
ترافيان:مبطي جاي
أبو ابراهيم:من الظهر
ترافيان:ياعمري والله يا أبو ابراهيم
أبوابراهيم:عيب عليك تقولي كذا منب زوجتك
ترافيان:وش دعوه عادي ماتبي أقولها لك انا اسف
ابوابراهيم:تعشوا معي
ترافيان أبوجوري أبو أفنان لا والله تسلم عشانا معنا تفضل معنا أنت
أبو ابراهيم:هااااااا والله مهب شينه
ترافيان:حياك الله
أبو ابراهيم:متى عشاكم
ترافيان:نبي نتعشى الساعه ثنتين بالليل
أبوابراهيم:شكلكم مطولين ما شاء الله عليكم
ترافيان:والله يابو ابراهيم تعرف مبطي ما شفناهم وأبو جوري وأبو أفنان أحبهم موت والي يمسهم يمسني والفخر لهم فخرلي
أبوابراهيم:الله يديم المحبه بينكم
ترافيان أبوجوري أبوأفنان:امين يارب
وقت العشا وهم جالسين...
ترافيان:خل أهلك يجون عندالأهل
ابوابراهيم:هاااهااااهاااأصلا أنا جاي لحالي
ترافيان:جاي لحالك(طبعا الي يتكلم ترافيان لحاله وأبوجوري وأبوأفنان مشغولين بالأكل)
ابو ابراهيم:ايه دخلت لحالي كانوا عائله داخلين بسيارته وجيت دخلت بسيارتي وراهم ولا أحد يدري عنا
ترافيان:بس ما يصلح كذا
أبو ابراهيم:أها بس
أبواهيم أكل يووم انتهى:أكرمكم الله
أبو أفنان ترافيان أبو جوري:صحه وعافيه والله
أبوابراهيم وهو عندالباب:في أمان الله
يوم طلع..
إلا والسكرتي وراه..
السكرتي:تعال يا قليل الدسم
ابوابراهيم يوم شافه:والعطه والله
السكرتي بالجهاز الناقل الي في يده يبلغ عليه
صار ابو ابراهيم محاصر من قبل السكرتيين
تم القبض عليه والأتصال على الهيئه وجت الهيئه ونقز ابوابراهيم في صالون الهيئهوهو يبكي
صدفه طلع ترافيان وناظر الموقف : الحمدلله الذي عافانا مما ابتلاه به وفضلنا على كثير ممن خلق تفضيلا

لعبة حلوة والله بس مادري وش السالفة

ولا خلصت

السالفه تكمل القصه إذا سجنت ومتى تسجن؟إذا حطك أحد في السجن
الان في السجن أبو ابراهيم(سجن الهيئه)ومتى يطلع؟ إذا كملت القصه وأثناء القصه تجيب فائده

أبوابراهيم في سجن الهيئه .....

أبوابراهيم : أنتم وشتبون بالظبط

الهيئه: أقول لا يكثر هرجك

أبوابراهيم : لا تخليني أفقد أعصابي

الهيئه: واذا فقدت اعصابك وش تبي تسوي

ابوابراهيم : شكلك ماتعرف منهو ابوابراهيم ؟؟؟؟!!!

الهيئه : ومين هو ابوابراهيم هذا

ابوابراهيم : انا رجل الأعمال الكبير

الهيئه: اهلا وسهلا ....اسفين ياسيد ابوابراهيم على الغلط

أبوابراهيم : لالا (( المسامح كريم )) ويقول تعالى (( ومن عفى وأصلح فأجره على الله ))

الهيئه : سم طال عمرك تبي قهوه ولا شاهي

أبوابراهيم: عصير

الهيئه: ابشررررررر.....جا العصير وشربه ابوابراهيم وقال الحمدلله ...وسلم على الهيئه ومشى ....... وانا ماشي لقيت واحد متلطم بالشماغ ؟؟؟؟؟؟؟؟؟ وقاعد يكتب على الجدران بالبخاخ يوم قربت منه شوي لقيته ترافيان .............. قلت لا مايصلح لازم الحين اتصل على الشرطه يجون ياخذونه .......أبوابراهيم مع الشرطه.......

أبوابراهيم: السلام عليكم ورحمة الله وبركاته

الظابط: وعليكم السلام ورحمة الله وبركاته

أبوابراهيم:ياأخي الكريم انا ودي ابلغ علبى واحد قاعد يكتب على جدران الناس ويشوه الجدران

الظابط: لو سمحت عطني وصف المكان وثواني والشرطه يكونون عندك........المهم وعطيته الوصف الا والشرطه جايه وموقفه جمب ترافيان وهو قاعد يكتب.... الا وينزلون وياخذون ترفيان ويودونه للسجن ....يوم ودوه للسجن راح ابوابراهيم للسجن اللي حطوا ترافيان فيه ودخل على الظابط وقال لوسمحت أنا جاي لزيارة ترافيان يوم رحت عند سج ترافيان الا والقاه يكتب على جدران السجن... قلت لاحول ولاقوة الا بالله هذا ماتاب الى الحين وكلمت الشرطه وودوه للسجن المنعزل ............


.
.
.
.
.


تجنب صديق السوء واصرم حباله *** وإن لم تجد عنه محيصا فداره

واحبب حبيب الصدق واحذر مراءه *** تنل منه صفو الود مالم تماره

اطلع ترافيان وادخل ادمن



أبو خليل

اطلع أدمن وادخل أبو إبراهيم

يا اخوان اتمنى اللي يبي يشارك يشارك بطريقه صحيحه او يستفسر
لا يجلس يخرب


تحياتي

ترافيان توه داخل دوره النورين قابل قدامه أبو ابراهيم
ابوابراهيم:وش الي جابك
ترافيان:أنا مسجل في الدوره
ابوابراهيم:يعني توك طالع من السجن
ترافيان:أي سجن
ابوابراهيم:أنا دقيت على الشرطه يوم شفتك تلعب بجدران الناس
ترافيان:أي جدران وأي ناس شكلك مشبهه
ابوابراهيم:لا لا شكلك تكذب علي لكن تعال خلنا نروح للسجن وأتأكد يا كذاب
ترافيان:من جد ما تستحي على وجهك وتقولي أني شاكيك لو أني أنا طيب
ابوابراهيم:لا يكثر وتعال خلنا نشوف الي بالسجن
ترافيان:طيب
يوم دخلوا قسم الشرطه
العسكري:ياخي أزعجتنا أنت
ابوابراهيم:لا لكن ابي أشوف الي يشخبط على الجدران يشبه الدرج هذا
ترافيان:شف يا عسكري سبني قدامك لازم تاخذ حقي منه
يوم دخلهم العسكري شافوا واحد يشبه ترافيان بالضبط
ابوابراهيم:سبحان الي خلق
يوم بغو يطلعون قال...
ترافيان:ياعسكري لابد تاخذ حقي منه قالي درج قدامك
العسكري رح لضابط في المكتب الي قدامك
وهم في الطريق ابوابراهيم يترجى ترافيان تكفى لا تشتكي لي
ترافيان:أمش
عند الضابط حكم بسجن ابوابراهيم لعدم احترام المكان والتلفظ بلفظ غير مناسب لرجل محترم مثل ترافيان

أبوابراهيم عندالظابط .....

لظابط : ياعسكري تعا خذ ابوابراهيم

ابوابراهيم : دقيقه لوسمحت

الظابط : اقول لا يكثر ...ياعسكري بسرعه حطه في السجن ........المهم يوم رحت للسجن الا والقى ابوجوري وأبوافنان بالسجن ووجيههم مغبرهمن كثر قعدتهم بالسجن ...........

ابوابراهيم : افا والله ماتوقعتها منكم .....معقوله كذا يصير بكم

أبوجوري: الدنيا دواره يابوابراهيم كح كح كح كح كححححححح >>>>>تراه قاعد يكح ....

ابوابراهيم : بسم عليك ...الا والقى هذاك الواحد اللي يقوم من السرير ووجههه شاحب وعيونه تخوف بسم الله الرحمن الرحيم مين انت ؟؟؟؟؟؟

ابوافنان : افا ماعرفتني انا ابوافنان .....

ابوابراهيم : لاحولا ولا قوة الا بالله مايصير كذا ؟؟؟؟؟؟؟ ....والقى جمب باب السجن مجارف ..... وعطيت ابو جوري مجرفه وابوافنان مجرفه وقلت يالله الحين لازم تحفرون عشان تطلعون من السجن ............. وبعدين بسرعه لازم تطلعون من السجن عشان تخلصون الطلوب عليكم بدورة ذي النورين ولا ترا ماتروحون لرحلة الشرقيه .... ولاحول ولا قوة الا بالله بعد ماتخلصون المطلوب عليكم لازم تراجعون الأصول الثلاثه عشان نبي نسوي إختبار لكم في الاصول الثلاثه ولازم تتجهزون لمسابقة خطيب ابوبكر ...............

أبوجوري , ابوافنان : ياليل ماطولك .......

أبوبراهيم : أقول اها بس تبي تروحون للرحله كذا لازم أطلع ريحتكم ......


وبعد ماطلعنا من السجن حطيت ابوجوري وابوافنان ببيوتهم ومشيت انا وكملت طريقي .............. الا والقى ترافيان حاط البندق براس ابومهند عاد أنا استغليت الفرصه واتصلت على الشرطه ...ودقيقه وهم واصلين .... يوم جوا جا ترافيان وقتل الشرطه اما ابومهند هج وراح ........الا ووصلت سيارة شرطه ثانيه ويقتلهم ترافيان .....اخر شي جة طائرة هايلكوبتر وطلقة رصاص على ترافيان وللأسف انا ماتاكدة بس شكله قتل >>>>> الله يرحمك ياترافيان ويسكنك فسيح جناته ...........

.
.
.
.


العلم صيد والكتابة قيده ... قيد صيودك بالحبال الواثقه

فم الحماقة أن تصيد غزالة ... وتعيدها بين الخلائق طالقه

ترافيان وهو منسدح على الشارع من طلق الرصاص دعا الله عزوجل أن يحفظه ويرعاه ويشفيه وأن لا يموت هذه الموته وأن يحسن خاتمته هو ومن أحب...
جا العسكري عند راس ترافيان وقال:بسم الله عليك وألحين الأسعاف جاي لكن أذكر الله واستغفره لعله يتوب عليك..
ترافيان:وهو مليان دمان يارب يارب تب علي يارب من لي سواك يارب هون علي مصيبتي (العين تذرف دمعه منه)
لحظات والأسعاف عند راس ترافيان
الأسعاف يوم شاف حاله ترافيان:لا حول ولا قوة إلا بالله الله يرحمه(يحسبه مات)وتفاجأ أن ترافيان يرد يرد عليه:اللهم امين والله يجزاك خير وما قصرت..
في الطريق قال المسعف ياخوي عطنا رقم أقرب رجل لك قال خذو رقمين واحد احتمال يرد والثاني مهب راد لكن خذوه لأني أحبهم الأثنين كلهم الله يحفظهم ويرعاهم وخليهم لي يارب..
المسعف:طيب الله يشفيك ويخليك لعين ترجيك لا تكثر كلام لأنك تعبانعطني أرقامهم وأساميهم
ترافيان:1)ابو أفنان0555464692
2)أبوجوري0553004149
يوم وصلو للمستشفى وأعلنو الطوارئ وأن ينتبه لحالته..
جلس ترافيان في المستشفى قرابه خمس أشهر يتخللها علاجات وكان يدخل عليه واحد من أهل الخير يقر عليه ويدعي الله عزوجل أن يشفيه ويقرا ايه الكرسي وكان ترافيان يرتاح لهذه القراءه أحسن من علاج المستشفى
بعد خمس أشهر خرج ترافيان من المستشفى وراح لبيته جلس شهر يرتاح وفجأه دق جرس البيت طلع ترافيان..
ترافيان:هلا والله أخوي
....:هلا والله بعد أذنك أخوي ممكن تتشرف معنا
ترافيان:إلى وين ولا تعرفت على الأخ
.....:عندك قضيه قتل ولابد نحقق معك
ترافيان:طيب رح وأنا ألحق
....:التعليمات الي معي تطلب أنك تمشي معي الان
ترافيان:لاحول ولا قوة إلا بالله طيب بروح أودع أهلي وأجيك
دخل على أهله وأعلان أن هناك اجتماع عائلي طارئ يتكون من حديد وقريه وعلى التليفون أبو أفنان وأبو جوري يسمعون الاجتماع في الاجتماع قال ترافيان بعد أن ذرفت عيونه وضاعت كلاماته ما أبي أطول عليكم لكن أنا بروح وما أدري متى أجي بعد سنه أو سنتين أو أكثر لكن أوصي زوجتي أن تحافظين على حجابك ولا تنزعيه عنك إلا لمحارمنا وأن تحافظين على ولدي حديد وتجعلينه أفضل شباب الحاره وتلحقينه بحلقات أبو بكر الصديق لأنها من أفضل الحلقات الي شفتها وأعرفها طلاب متميزين ومشرفين محترمين وأصيكم جميعا بتقوى الله عزوجل ومراقبته في السر والعلن والله الله بالحكمه فإن من أوتيها فقد أوتي خير كثيرا أستودعكم الله
هنا صرخت قريه زوجي الحبيب مع السلامه(تبي الفكه)
حديد وهو يبكي بكاء الاطفال بابا حبيبي لا تتأخر علينا
بعد أن قال حديد هذا الكلام ذرفت دمعه تلو الدمعه من ترافيان وقال ياحبيبي قرب تعال أضمك ..
حديد بعد أن سمع كلام أبوه ركض لمه وضمو بعض وما فكهم إلا قريه قالت الجرس يدق شكلك تأخرت عليهم
خرج ترافيان من البيت وفارق الحاره متجه إلى مكان لا يعلم أين مصيره..
بعد التحقيق الطويل رفعت القضيه إلى القضاء وصدر في حق ترافيان سجن لمده(10)سنوات
ترافيان في السجن جالس في زاويه مظلمه والجسم قد تعب من الهم حتى صار جسمه مثل الهيكل العظمي(الي في كتاب العلوم)قاعد يفكر ويقول بنفس عميق اااااااااااه يادنيا لحظه غضب بغيت أخوف أبو مهند ومن الخوف يوم شفت الدوريه صرت أطلق لا شعوريا لا حول ولاقوة إلابالله يارب فرج همي ياااااااااااارب فرج همي
وسبحان الله مرت (10)سنوات مثل الريح..
ترافيان وهو طالع من السجن التفت على يمينه بهدوء وشاف واحد مهب غريب عليه قال للعسكري بصوته الهادي لو سمحت ياعسكري أروح أسلم على ذاك الرجال قال العسكري المحترم أبشر..
راح ترافيان:السلام عليكم ورحمة الله وبركاته
....:هلا والله
ترافيان:لا الله يهديك قل وعليكم السلام ورحمة الله وبركاته تاخذ أجر عظيم عليها
....:ايه سبحان الي يغير أنت ترافيان
ترافيان:ايه أنا لكن وجهك مهب غريب علي
....:أنا أبو ابراهيم
ترافيان:ياهلا ويا مرحبا سلامات وش الي جابك أبشرك أنا أبطلع من اليوم بشرني وش أخبار حرمتي وولدي تعرف عنهم شئ
ابو ابراهيم:ها أهلك لا لامافيهم إلا العافيه
ترافيان:أكيد يا ابو ابراهيم صوتك يقول أن فيهم شئ
ابوابراهيم:ياخي قلت لك مافيهم شئ أنا في مصيبتي ألحين
ترافيان:معليش والله لكن والله مشتاق لهم أنت سلامات وش فيك
ابوابراهيم:ايييييييييه كنت عجل بلحق سحور زوجتي قطعه ترافيان:ماشاء الله على البركه تزوجت وصاح ترافيان ويقول في نفسه الله يعين الناس تغيرت أوضاعهم بعد عشر سنين وأنا في السجن لكن إنما أشكو بثي وحزني إلى الله
ابوابراهيم:الله يبارك فيك وأقولك أسرعت وقطعت الأشاره وصدمت بنقالي وتوفى الله يرحمه وحكمو علي بسنتين دعواتك لي أن الله يعجل أمرها
ترافيان:الله يعجلها
العسكري يالله ترافيان
ترافيان في أمان الله